«Оҕо саас сарыала» Мусьяна Сосина — Марфа Прокопьевна Попова хоһооннорун ааҕыыга II Өрөспүүбүлүкэтээҕи куонкурус саҕаланна 👏

Куонкурус сыала-соруга:
— оҕо поэта, иитээччи Мусьяна Сосина хоhооннорун киэҥ эйгэҕэ тарҕатыы;
— төрөөбүт тылга тапталы, дойдуга бэриниилээх буолууну иҥэрии;
— айылҕаҕа, тулалыыр эйгэҕэ харыстабыллаах сыhыаны иитии;
— оҕо хоһоон ааҕар дьоҕурун сайыннаарыы
— оҕону кыра эрдэҕиттэн хоhоону дорҕоонноохтук, иэйиилээхтик, холкутук туттан туран ааҕарга үөрэтии.

Кыттааччылар: куонкуруска 3 сааһыттан ыла ким баҕалаах, олорор сириттэн тутулуга суох кыттыыны ылар. Дьиэ кэргэнинэн, бөлөҕүнэн кыттыы көҥүллэнэр.

📆Ыытыллар кэмэ: 2024 кулун тутар 21 күнүгэр дылы.
Куонкуруска кыттыы иһин усунуос — кыттааччыттан 200 солкуобай.

📌Куонкуруска кыттыы сүрүн ирдэбилэ: кыттааччы Мусьяна Сосина хоһоонноруттан талан ааҕыы.

Дьүллүүр сүбэ ыйыллыбыт ирдэбиллэринэн сыаналыыр уонна кыайыылаахтары быһаарар. Бары кыттааччыларга уонна кинилэр салайааччыларыгар туоһу сурук туттарыллар. Биирдиилээн сыанабыл түмүктэрэ 3 күн иһигэр ыытыллар.

🎁Куонкурус 6 муҥутуур Гран-При уонна анал ааттар кыайыылаахтарын кулун тутар 25 күнүгэр Мусьяна Сосина «Оҕо саас сарыала» Өрөспүүбүлүкэтээҕи семинарыгар дипломунан, бэлэхтэринэн наҕараадаланыахтара. Буолар сирэ «Чуораанчык» оҕо саада, Мэҥэ-Хаҥалас улууһа, Майа сэл.

🔗 Сиhилии: https://porarosta.ru/meropriyatie/o5o-saas-saryala/