Сценарий “Көмүс күһүн”

Стручкова Зинаида Лаврентьевна,
музыкальный работник,
МБДОУ “Черюмчинский детский сад”,
Республика Саха (Якутия), Верхоянский улус, с. Черюмче

Саала иьэ киэргэтиллибит. Оголор музыканан саалаҕа киирэллэр.

Ыытааччы (күһүн таҥастаах киирэр):

Үтүө күнүнэн, күндү оҕолор, төрөппүттэр, ыалдьыттар! Бүгүн биһиги дьыл саамай кэрэ, саамай баай кэмин күһүнү уруйдуур бырааһьынньыкка муһуннубут.

Күһүннү күн күрэммиттии былыкка саста,

Күһүҥҥү сөрүүн тыал аа-дьуотук илгийэн ааста

Хагдарыйбыт сэбирдэхтэр ункулээтилэр,

Комус маньыаты санатаннар сиргэ тустулэр.

Үтүө күнүнэн, оҕолор. Мин күһүннү айылҕа маанылаах хаһаайката, эһиги кунду ыалдьыккыт Көмүс Күһүн буолабын.

Ырыа “Көмүс күһүн” – улахан группа оголоро.

Ыытааччы: Оҕолоор, көрүн эрэ, куобах дьиэтэ турар дии.

-Куобах,куобах, кэл таҕыс, биьигини кытары оонньос.

Куобах дьиэтиттэн туннугунэн өҥөйөр.

Куобах: Дорооболорун оҕолоор, бырааһынньыккытыгар ыалдьыттата ынырбыккытыгар махтанабын. Бачча үчүгэй күлүмнэс күһүннү күҥҥэ күлүөҕүҥ-оонньуоҕун. Оонньуоххутун баҕараҕыт дуо?

Оҕолор: Баҕарабыт.

Оонньуу: “Моркуобу биэрэн ис”.

Ыытааччы: Маладьыастар. Куобахтыын наһаа үчүгэйдик оонньоотубут дии. Куобахха махтаныаҕын, о5олор.

Куобах: БаҺыыба.

Ыытааччы: Куобах, онтон эн хайдах күһүнү көрсөҕүн.

Куобах: Мин өҥмун-түүбүн уларытабын, кыһын бороҥ сылдьарым табыллыбат. Тунал маҥан хаарга тутатына көрүөхтэрэ. Ону таһынан кыстыкка бэлэмнэнэн хорооммун оҥостобун. Онон үлэ бараммат. Чэ, оҕолоор көрсүөххэ диэри.

Ыытааччы: Куобах кыстыкка бэлэмнэнэн күһүнүн бороҥ түүтүн маҕанна уларытар эбит, хороонун оностор эбит, онтон тииҥ тугу гынара буолуой. Чэйин эрэ,тииҥи ынырыаҕын уонна бэйэтиттэн ыйытыаҕын.

Оҕолор: Тииҥ, тииҥ, биьиэхэ кэл. (2 төгул)

Тииҥ киирэн кэлэр.

Тииҥ: Үтүө күнүнэн,оголоор. Мин тииҥ диэн буолабын, тииттэн тииккэ ыстанабын. Эһиги миигин ыҥырбыккытын истэммин бу эһиэхэ тиийэн кэллим.

Ыытааччы: Үтүө күнүнэн, тииҥ, Хайдах олордун, Күһүнү хайдах көрсөҕүн.

Тииҥ: Барыгытын көмүс күһүнүнэн эҕэрдэлиибин. Мин кырыа кыһыҥҥа бэлэмнэнэн тэллэй  хомуйан, тииттэргэ хаһаанабын.

Ыытааччы: Тииҥ, бу корзинаҕар туох баарый. Кордор, кэпсээ оҕолорго.

Тииҥ: Корзинабар тэллэйдэр бааллар. Оголорго көрдөрөөрү аҕалбытым, Ойуурга тэллэй наһаа элбэх.

Үнкүү “Тэллэйдэр үнкүүлэрэ” – кыралар толорууларыгар.

Тииҥ: Үчүгэйдик даҕаны үнкүүлээтилэр. Мин тэллэйдэрбин хомуна сүүрдүм. Көрсүөххэ диэри оҕолоор.

Оголор: Көрсүөххэ диэри.

Ыытааччы: Күһүн көтөрдөр сылаас дойдуга көтөллөр. Ханнык көтөрдөрү билэҕит ааттаан эрэ.

Оҕолор көтөрдөрү ааттыыллар.

Билигин кыргыттар кыталык хамсаныыларын ункуулээн көрдөрүөхтэрэ.

                     Үнкүү “Кыталыктар”-кыргыттар

Ырыа “Үүнүүтэ хомуйууй”- орто группа.

Ыытааччы: Аны билигин оонньуохпут.

Оонньуу: Үүнүүтэ хомуй (картошканы ложканан хомуйуу)

Оонньуу: Сэбирдэхтэри өҥнөрүнэн хомуй.

Ыытааччы: Маладьыастар оҕолор. Олус миигин үөртүгүт. Онон күндү оҕолорбор кэһиибин мин уунабын.

Таайдаххытына көрдөрүөм корзинабыттан.

-Ойуурга үүнэбин, оҕуруо курдук элбэхпин, кыһыл өҥнөөхпүн.

-Теплицага үүнэбин, бастаан күөх буолабын, онтон кыһыл өҥнөнөбун.

-Баттаҕым күөх, бэйэм оранжевай өҥнөөхпун.

-Көмүс Күһүн кэһиитин түҥэтэр.

Ыытааччы: Билигин биьиги мамалар оҥорбут тэллэйдэрин көрүөхпүт. (Тэллэй күрэҕин көрүү)

Олус үчүгэй күһүҥҥү бырааьынньыкка сылдьаммын үөрдүм, дуоһуйдум уонна куруук маннык көхтөөх, бэһиэлэй, элбэх билиилээх буола улаатыахтара диэммин эрэнэбин.

Куьун: Көрсүөххэ диэри.

Көмүс Күһүн тахсан барар.

Ыытааччы: Бырааһынньыкпыт түмүктэнэр кэмэ тиийэн кэллэ, өссө төгүл эһигини көмүс  күһүн бырааһынньыгынан итиитик-истиҥник эҕэрдэлиибин.