“Саҥа дорҕоонноро” оҕо билиитин чиҥэтэр курс

Сыаллара: дорҕооннору, буукубалары көрүҥнэринэн араарыы; аһаҕас дорҕооннор дьүөрэлэһиилэрин сокуонун тутуһан сөпкө суруйуу; тылы дорҕоонунан ырытыыны сыыһата суох оҥоруу

Саха тылын саҥа дорҕооннорун үөрэтии алын кылаастан саҕаланар. Ол эрээри алын кылааска оҕо бу тиэмэни ыарырҕатан ситэри билбэккэ, үөрэппэккэ оскуоланы бүтэриэр диэри кыһалҕалары көрсөр. Атын кэлэр тиэмэлэри сатаан өйдөөбөт, онтон сиэттэрэн оҕо бэйэтин төрүт тылын үөрэтэр баҕата сүтэр.

Бу хатылааһын быһыытынан оҥоһуллубут курс оҕо саха тылын биир сүрүн тиэмэтин кылгас бириэмэҕэ үөрэтэригэр, билиитин хаҥатарыгар оҥкул буолуо.

Курс күннээҕи матырыйаала икки чааска арахсар. Ити икки ардыгар сынньалаҥ оҥорору сүбэлиибит. Курс хас чааһын аайы үэрэппити чиҥэтэр сорудахтары толоруллар. Ол кэннэ түмүктүүр тургутук бэриллэр. Тургутук 70% баалы ылла5ына эрэ “тургутугу ааста” дэнэр. Тургутугу ааспатаҕына курс матырыйаалын өссө биирдэ ааҕарга, үөрэтэргэ сүбэлиибит уонна хат оҥороругар уопсайа икки холонуу биэриэхпит.

• 1 күн – Этии. Тыл. Дорҕоон. Буукуба. Саха алпаабыта.
• 2 күн – Саха тылын аһаҕас дорҕоонноро.
• 3 күн – Саха тылын бүтэй дорҕоонноро.
• 4 күн – Киирии дорҕооннор (нуучча тылын дорҕоонноро).
• 5 күн – Тылы дорҕоонунан ырытыы.

Курсу ситиhиилээхтик түмүктээбитин туhунан Сертификат бэриллэр.