Сыаллара: дорҕооннору, буукубалары көрүҥнэринэн араарыы; аһаҕас дорҕооннор дьүөрэлэһиилэрин сокуонун тутуһан сөпкө суруйуу; тылы дорҕоонунан ырытыыны сыыһата суох оҥоруу

Саха тылын саҥа дорҕооннорун үөрэтии алын кылаастан саҕаланар. Ол эрээри алын кылааска оҕо бу тиэмэни ыарырҕатан ситэри билбэккэ, үөрэппэккэ оскуоланы бүтэриэр диэри кыһалҕалары көрсөр. Атын кэлэр тиэмэлэри сатаан өйдөөбөт, онтон сиэттэрэн оҕо бэйэтин төрүт тылын үөрэтэр баҕата сүтэр.

Бу хатылааһын быһыытынан оҥоһуллубут эбии дьарык оҕо саха тылын биир сүрүн тиэмэтин кылгас бириэмэҕэ үөрэтэригэр, билиитин хаҥатарыгар оҥкул буолуо.

Эбии дьарык быыhыгар үэрэппити чиҥэтэр сорудахтар киирдилэр. Хас 2 дьарык кэннэ түмүктүүр тургутук бэриллэр. Тургутугу ааспатаҕына инники дьарыктар матырыйаалларын өссө биирдэ ааҕан, үөрэтэн баран, тургутугу хат оҥорорун сүбэлиибит.

Дьарык таарыйар тиэмэлэрэ:

• Этии. Тыл. Дорҕоон. Буукуба. Саха алпаабыта.
• Саха тылын аһаҕас дорҕоонноро.
• Саха тылын бүтэй дорҕоонноро.
• Киирии дорҕооннор (нуучча тылын дорҕоонноро).
• Тылы дорҕоонунан ырытыы.

Сотору кэминэн манна салгыы эбии дьарыктар тахсыахтара.