Төрөөбүт тыл уонна сурук-бичик күнүнэн!
Төрөөбүт тыл уонна сурук-бичик күнүнэн!
Тыл сайдыытын, ону тэҥэ симэлийиитин боппуруоһа билиҥҥи кэмҥэ сытыытык турар. Аныгы үйэ биир киэҥ сайдыытынан интернет ситимэ уонна ону кытта бииргэ киирбит араас технология буолар. Бу эмискэ уонна күүскэ биһиги олохпутугар киирбит технология сайдыыны тэҥэ араас өттүлэринэн таҥнары түһүүнү, намтааһыны аҕалла. Ордук кыра оҕолор атын омук тылынан бэриллэр араас видеолары элбэхтэ көрөллөрө-истэллэрэ, төрөөбүт тылынан саҥарар дьоҕурдарын намтатарын уонна атын омук тылынан саҥаран баралларыгар дьайарын туһунан билигин аһаҕастык этэллэр. Бу боппуруос – саха тылын сайдыыта, симэлийиитэ — бары таһымҥа элбэхтик ырытыллара, кэпсэтиллэрэ төрөөбүт тылбыт сайдар кэскилин түстэһэр.
Ол курдук биһиги үлэбит чэрчитинэн кэтээн көрөрбүтүнэн, бу кэнники сылларга оҕо төрөөбүт саха тылынан толору саҥарарыгар, санаатын сааһылаан этэригэр, саха норуотун уус-уран айымньытын умсугуйан ааҕарыгар үлэлэһэр төрөппүт, иитээччи, учуутал үксээтэ дии саныыбыт. Ону таһынан аныгы олох ирдэбилигэр сөп түбэһэр интернет ситимигэр араас саха тылынан тахсар порталлар, блогтар @centr_saidys@chemchuuk_saas@kyoregei_blog , YouTube-каналлар @chohoon.ykt , видеолар тахсаллара, «Айар» @ayar.ru национальнай кинигэ кыһата бэчээттиир интерактивнай кинигэлэрэ, Яндекс-переводчикка сахалыы тылбаас киириитэ, саҥа оҥоһулла сылдьар саха тылын үөрэтэр «Сахалыы» @rrred_lily диэн сыһыарыы о.д.а. төрөөбүт тылбыт сайдыытын, инники кэскилин бигэтэ.
Биһиги бэйэбит өттүбүтүттэн сотору кэминэн саха тылын үөрэтэр оҕолорго көмө буолар тренажердарбытын таһаарыахпыт. Бу 5 сыл тухары ыыппыт саха тылын олимпиадатыгар кыттыбыт оҕолор үлэлэрин ырытан көрөн баран, бастатан туран үөрэнээччилэр ордук ыарырҕаппыт тиэмэлэригэр тренажердары киллэриэхпит. Билигин буола турар араас олимпиадаларга өрөспүүбүлүкэ бары улуустарыттан кытталларын таһынан, саха тылын кытта билсэр «Знакомимся с якутским языком» диэн олимпиадабыт Арассыыйа араас уһуктарыттан кытталлара биһигини үөрдэр.
Биһигини кытта үлэлэһэр учууталларга, иитээччилэргэ улахан махталбытын тиэрдэбит. Төрөөбүт Ийэ тылбыт үйэлэр тухары үүнэ-сайда турдун!
Алена Корнилова, «Пора роста» дистанционнай тэрээһиннэр киинин салайааччыта
Другие новости
🎉 Поздравляем педагогов, родителей и детей с началом нового учебного года! 🎉 От имени образовательного портала «Пора роста» желаем, чтобы этот год был наполнен яркими открытиями, интересными задачами и значимыми достижениями. Пусть каждый день приносит новые знания, вдохновение и радость от процесса познания! 🎓 Для педагогов — творческих идей, благодарных учеников и сил для воплощения […]
…
В этот день мы решили порадовать всех маленьких друзей, родителей и педагогов! 🌟Участвуйте в нашем праздничном розыгрыше и получите шанс выиграть бесплатное участие в интерактивных мероприятиях!Условия участия: быть подписанным на наш канал в MAX 📲 Перейдите для подробной информации на наш канал. Розыгрыш завершится 1 июня 21:00 часов! Бот выберет 20 участников нашего розыгрыша, выполнивших […]
…
🌟 “Оҕо саас сарыала” оҕо суруйааччыта, иитээччи, сценарист Мусьяна Сосина – Марфа Прокопьевна Попова хоhооннорунан IV Өрөспүүбүлүкэтээҕи айар куонкурус кылаан кыайыылаахтара ааттаннылар🌟 🏆 «Үрдэл бөлөх», Чымынаайы орто оскуолатын 1 кылааһын үөрэнээччилэрэ, Таатта, Чымнаайы (Нестерева А.Г., учуутал) Хоhоон «Дьыл кэмнэрэ»🏆 Андреева Сандаара, 3 саастаах Хорообут орто оскуолата (Прибылых И.И., иитээччи) – Хоhоон «Ийэ-Эйэ»🏆 Андросова Аделина, 5 […]
…Сетевое издание «Образовательный портал „Пора Роста“»
Регистрационный номер ЭЛ № ФС 77-87156. Учредитель и главный редактор — Корнилова А. К.